صابر و شاقي يا قلب مزال.... للشاعر عبدالفتاح الغناي

سنين طوال .....صابر و شاقي يا قلب مزال
و تاعب في جرة شي ما ينطال....نبي الغالي يعود يرجع وكره
هضاك هلي القتل فيه حلال.......منين ما تخلى عن غلاك و نكره
و خوذ النصيحة و سيبه في الحال......و انساه بو منشوط و انسى عكره
و ما نسيبك يا قلب في ملال....... بدل غلاه اليوم ماهو بكرة
و انسى غلاه و سيبه في الحال.......و عده غلاه كيف موتة ذكرى
جاء دمها من زوجها شتوال.......قتلها غبينة فوق غيرة و سكرة
و أزهى و تهنى و عيش عالي العال.......و خليك واخذ في حياتك فكرة
راهو الحب و الطرنيب نفس الحال.......يا اما اجباري فوق يا اما عكرة
ما تفتكره ...وعده غلاهم كيف موتة ذكرى... يا قلب لا ما تحن

و سلمتوا